Shillong, Iaiong 03: Ka Executive Committee jong ka Mawlai Sports Club; kaba la ia kynduh dang shen ha office treikam jong ka ha Madan Heh,ha kaba ki dkhot jong Ka Advisory Bard (kaba kynthup ia ki Rangbah Shnong jong ki Shnong hapoh Mawlai, ki nongialehkai bad ki nongkitkam barim, lem bad ki dkhot jong ka Techincal Expert Committee), ka la iatai sani bha halor ka jingtei kaba dang iaiad shaid shaid ha Madan Heh. Kane ka sngi ka long ruh ka jingdap shibnai naduh ka sngi ba sdang trei.
Ka sur tylli kaba mih na kane ka jingiakynduh ka long ba nyngkong nyngshap ka committee ka la ia don ryngkat ryngkat naduh ba ngi la ioh jingtip ba ka sorkar lyngba Ka State Sports Council ka la ia ia ka work order. Naduh ba la sdang ia ka jingtrei; kata ha ka 1-3-2014 haduh kine ki sngi ba mynta, ki nongkitkam bad katto katne ki dkhot jong ka Advisory Board bad ki Technical Expertjong ka Mawlai Sports Club ki ju leit na ka por sha ka por ban peit khmih ia ka rukom pyntrei ia katei ka kam.
Kaba ar ka long ba ka committee ka sngewtynnad shikat dei ia ki nongshongshnong kiba don ka jingsngew kitkhlieh ia ki kam kia jam kiba wan hapoh ka Shnong Mawlai na ka bynta ka jingmyntoi uba bun uba lang. tangba kane ka committee ka kwah ban pynsngew ruh ba nangne shakhmat, lada don kano kano ka jingiohi ki para nongshongshnong ia ka jingbymbiang ha kino ma ki liang, ki donkam ban sngewthuh ia ka “LOCUST STANDI” namar ba ka Madan heh ka hap hapoh u pud u sam jong ka Shnong Phudmuri bad ka jinglongtrai dei ka Mawlai Sports Club, bad dei ban iaid da ka lynti ba dei.(SP News)
