Shillong, Iaiong 07: Ka North Eastern Institute of Ayurveda and Homoeopathy, Mawdiangdiang, Shillong, hapoh ka Ministry jong ka AYUSH, New Delhi, kan rakhe ia ka “World Homoeopathy Day” ha ka 10th tarik Iaiong 2017 kaba long ruh ka jingdap snem sngikha ba 262 jong U Dr.Christian Friedrich Samuel Hahnemann,u nongseng ia ka Homoeopathy. ka jingrakhe kan long ha ka jaka(campus) jong ka NEIAH ha Mawdiangdiang naduh ka por 10:00 am haduh 3:00pm.
Ka program kan sdang da kaba thang ia ka “sharak” bad pynkup burom da u syntiew ia ka dur jong u Dr.Samuel Hahnemann, U kpa jong ka Homoeopathy. U Prof. Dr. P.K.Goswami, Director, NEIAH un ai ia ka jingkren pdiang sngewbha. U Prof. R. Sharma, Dean, School of Life Sciences, NEHU, Shillong un long u Kongsan ha kane ka program. U Prof. Dr. Neeraj Gupta, HOD, Dept. of Organon of Medicine, Nehru Homoeopathic Medical College & Hospital, New Delhi, un long u syrbud kongsan.U Dr. A.A.Mao, Regional Director, Botanical Survey of India, Eastern Complex, Shillong bad u Dr.S.K.Jha, Assistant Professor, Dept. of Statistics, NEHU, Shillong, kin ai jingkren ha kane ka program.
Yn pynlong ruh ia ka jingpynkup burom ia ki ar ngut ki doktor Homoeopathy na ka bynta ka jingtrei jong ki ban pynsaphriang ia ka nam jong ka Homoeopathic System ha North East India. Kita ki long U Dr.Shngaiñlang Bamon, Ex-Faculty Member of Regional Health and Family Welfare Training Centre, Shillong, Meghalaya, bad u Dr. Paresh Sharma, Ex-Principal, SJN Homoeopathic Medical College and Hospital, Guwahati. La ong u Dr B.P. Chyne Joint organizing Secretary jong ka Celebration Committee.
