Shillong, Risaw 15: Ha dien ba u Bah PN Syiem CEm jong ka KHADC u la shah saspon lai snem na ka seng Congress mynta ka sngi, u la khot ia ka jingialang jong ka PDF ban ia kren halor kine ki jinglong jingman jong ka sain pyrthei hapoh jong ka KHADC.
U Bah Teinwell Dkhar nongialam jong ka seng UDP,haba kren ha u SP News Agency u la ong ba ki dkhot jong ka PDF kiba don mynta 16 ngut kynthup ia u CEM, kum ka kynhun ka dang ai ia ka jingshaniah ha u bah PN Syiem kum u nongialam jong ki.
Laiathuh ba ha kane ka jingialang jong ka PDF , kiba la ai poi sha ka jingialang ki long 14 ngut, lait noh u Bah LG Nongsiej bad u Bah Victor Rani namar ba kim don ha Shillong hynrei kila pyntip ba ki don ryngkat bad ka PDF.
Haba ia dei bad ka UDP, u Bah Dkhar u la ong, haba ki leit ban kyrshan ia ka EC jong u Bah PN Syiem ka dei ka rai jong ka party bad mynta ka shong ha ka party ban rai. Hynrei kum ki dkhot jong ka PDF ki dang ai ka jingkyrshan ia u Bah Pynshngian.
