New Delhi, Nailar 26: U Myntri ba dei peit ia ka Tnat Labour and Employment, u BhupenderYadav mynta ka sngi u la plie ia ka portale-Shram bad aiti ia ka sha ki Jylla and UT ha ka jingiadonlang u RameswarTeli, Myntri Khynnah ba dei peit ia ka Tnat Labour & Employment bad Petroleum & Natural Gas.
Ha ka sienba nyngkong eh ha ka histori jong ka ri India, la wanrah ia ka rukom treikam ban kyntiew kyrteng ia 38 klur ki briew bym treikam sorkar. Kane kam dei tang ban kyntiew kyrteng ia ki hynrei kan long ruh ka jingmyntoi ban pynpoi ia ki skhim bapher bapher ba la pyntreikam da ka sorkar Pdeng bad ki Sorkar Jylla.
U Myntri u la ong ba dei peit ia ka Tnat Labour da kaba ban ruh ba kane kalong sa kawei pat u mawmer ba kongsan sha ka jingpynurlong ia ka thong jong u Myntri Rangbah duh ka ri, u NarendraModi ha kaba iadei bad ka bha ka miat jong ki briew ki bym treikam sorkar, kiba long ki nongtei ia ka ri.
Ha kane ka jingialang, u Bhupender Yadav u la ai khublei ruh ia u Myntri Rangbah duh ka ri na ka bynta ka jingpyllait T. 2.0 lak ka Insurance ba iadei bad ki jingiaaksiden sha man ki briew ki bym dei kiba treikam sorkar ha ka portal eSHRAM.
Lada ki briew ki bym treikam sorkar ki lah pynrung kyrteng ialade ha ka portal eSHRAM bad lada ki khlad lane kyllaannanoh na ka jingjiaaksiden, kin ioh T. 2.0 lak bad T. 1.0 lak bad ka sorkar ka trei borbah ban peit ia ka bha ka miat jong kum kine ki nongtrei.
Haba ai jingkren shaphang ki bynta jong ka portal eSHRAM, kaba longnapdeng ka jingsaindurjong ka National Database na ka bynta baroh ki briew ki bym treikam sorkar, u RameswarTeli, Myntri Khynnah ba dei peit ia ka Tnat Labour & Employment bad Petroleum & Natural gas.
U mytnri u la , u la kyrpad ia ki briew jong ka ri ban iashim bynta ha kane ka campaign bad ban pynrung kyrteng ia baroh ki briew ki bym dei kiba treikam sorkar ha ka portal E-Shram bad ban iatreilang ban pynurlong ia kane ka thong kaba kongsan jong ka Sorkar India:
Ha kane ka jingialang, ki Myntri ki la iakren ruh bad ki nongtrei naAjmer, Dibrugarh, Chennai bad Varanasi lyngba ki Common Service Centre bad ki la iasam ia la ki jingshem bad ki jingangnud jong ki. U Yadavbad uTeli ruh ki la bataiia ki shaphang ki skhim Insurance ba iadei bad ki jingjiaaksiden bad ki la batai ruh ia ki jingmyntoi na ka jingpynrung kyrteng ha ka portal.
Da kaba pynbna ba ka portal kan wanrah ia ka jingkylla kaba khraw ha ka histori jong ka ri, u Apurva Chandra, Secretary, Tnat Labour jong ka Sorkar Pdeng u la ong yn pynrung kyrteng palat 38 klur ki nongtrei ha ka ri hapoh kawei ka portal bad ka jingpynrung kyrteng hapoh ka portal e-SHRAM kalong kaba ioh eibad ki nongtrei kim donkam ban siewpisa na ka bynta ka jingkyntiew kyrteng ia u ne ka ha ki Common Service Centre(CSC) lane na kanokano ka jaka.
U Chandra u la pyntip shuh shuh ba hadien ba la pynrung kyrteng ki nongtrei kin ioh ia ka eSHRAM card kaba don u Universal Account Number (UAN) bad kin lah ban ioh ia ki jingmyntoi jong ki skhim bapher bapher lyngba kane ka Card na kanokano ka jaka bad ha kanokano ka por.
Ki Myntri ba dei peit ia ka Tnat Labour jong ki Jylla/ki UT ryngkat bad ki Chief Secretary, ki Additional Chief Secretary, ki Principal Secretary (Labour), ki Labour Commissioner jong baroh ki Jylla and UT ki la iasoh lang lyngba ka bor internet ha kane ka jingialang plie na ki jylla jong ki.
Baroh ki field office jong ka Tnat Labour jong ka Sorkar Pdeng bad Sorkar Jylla ryngkat bad ki Regional Office jong ka EPFO bad ESIC ki la iadonlang ha kane ka jingialang. La iashim bynta ruh da palat 4 lak ki Common Service Centre (CSC) ha kane ka jingialang plie kiba don ka bynta kaba kongsan ha ka jingkyntiew kyrteng ia kine ki nongtrei.
Ia ka jingbatai shaphang ka portal ladep ban ai sha baroh ki Jylla/UT ha ka jingialang kaba nyngkong bad ba ar hashuwa ban plie ia kane kaba la long ha u bnai Naitung bad Nailar. Ha kaba iadei bad kane, la dep ban pyllait ia ki jingbthah na ka bynta ka jingpyntreikam ia ka portal bad ka jingpynrung kyrteng ia ki nongtrei sha ki Jylla bad UT.
Ha ka jingphaikhmat sha ka jinglong jingman jong ka COVID, la rai ban plie ia kane ka portal lyngba ka bor internet bad aiti pat sha ki jylla ban sdang ia ka kam pynrung kyrteng ia ki briew ki bym dei kiba treikam sorkar ha kylleng ka ri.
Ha ka 24 tarik Nailar, 2021 u Myntri Sorkar Pdeng ba dei peit ia ka tnat Labour u la iakren bad ki nongialam jong ki Central Trade Union ba kynthup ia ka BharatiyaMazdoorSangh (MS), Indian National Trade Union Congress (INTUC), All India Trade Union Congress (AITUC).
Hindu Mahasabha (HMS), Centre for Indian Trade Union (CITU), All India United Trade Union Centre (AIUTUC), Trade Union Coordination Centre (TUCC), Self-employed Women’s Association (SEWA), United Trade Union Centre (UTUC), National Front of Indian Trade Unions (DHN).
Baroh ki nongialam jong ki kynhun Central Trade Union ki la pynpaw ba kane kan wanrah ka jingkylla kaba khraw na ka bynta ka bha ka miat jong ki nongtrei ki bym dei kiba treikam sorkar kiba long ruh ki nongtei ia ka jaitbynriew bad u la ong da kaba shai ba ki kynhun jong ki ba don ha ki jylla ha ki Jylla kin ai ka jingkyrshan kaba pura sha kane ka kam kaba bha ban kyntiew kyrteng ia ki nongtrei ha ka portal e-SHRAM.
