Shillong, Rymphang 22: Bah Kistoless Marbaniang president dorbar raij Saw symper ryngkat ki dkhot kinongkit kam jong ka raij, ki myntri ki rangbah shnong bad ki riew rangbah ban pynshai ia ka jingleh jong u syiem ka Hima Maharam ha kine ki taiew kiba la dep u la kynnoh kylla ia ki ia kaei kaba ki dawa ia ka hok kaba dei ka jong ki.
U bah Kistoless u ong ba ka raij Saw Symper ki don 15 tylli ki dorbar shnong bad haba kila pyrshang ban wan rah ia ka jingkylla na ka liang jong u syiem u kynnoh ba ki ialeh politk, shuwa ban leh kala don shuwa ia ka jingiasylok kumno ban pynim biang ia ka jingiatehkular ha u snem 1944 ha kaba u Syiem Bamon Hima Maharam la ia soi ia ka soskular bad ki myntri ka Saw Symper.
Ha kane ka jingiasoi soskular ha kaba ia dei bad ka raij Saw Symper ki Myntri rangbah kin peit hi ia ka khyndew ka shyiap laitnoh ka jingsynshar khlieh briew, hynrei ha kine ki sngi kiba la dep na ka liang jong u Syiem u la pyrshang ban leh lyngba ka Act bad ka Rule bad ha kata ka Raid Saw Symper kam paw shuh.
Na ka liang jong ka Saw Symper kala phah ia ka KHADC ban pynkylla ha u snem 2015, hynrei na ka liang jong u Syiem u la kynnoh ba ka Raij Saw Symper ba ki kwah ban lait na ka Act ka hima maharam, halor kane ka jingkynnoh ka Raij Saw Symper ka kwah ban don hi bad ka Hima Maharam bade kileh katkum ki riti ba la leh da ki long shuwa.
U Bah Marbaniang u la ong ba kams hym don kata ka jingklumar hapoh Saw Symper bad kaba lyngoh ka long ba kumno u Syiem u ai ejahar pyrshah ia ki nongialam shnong kumba kila ioh ia ki long, ia u kum u president, Secretary bad ia ki 15 ngut ki rangbah shnong bad kane kala pynlyngngoh.
