Shillong, Nailar 21: Halor ka shithi ba kam ba bret ia ki suloi ha Wahumkhrah u Superintendent ki pulit ka East Khasi Hills District u bah S. Nongtnger u la ong ba ki dang bishar dei na kam dei, ia ka shithi ym don ba soi, ia kaba shuthoh kumto lah ban thoh mano manor uh.
Haba kren ha u SP News Agency, u Superintendent ki pulit ka East Khasi Hills u bah Nongtnger u la ong ba kumno kin ngin ia ka shithi namar ba ym don nongsoi, hynrei wat la katta ruh ki dang bishar ia ka shithi.
Haba jubab ia ka jingkylli, u SP ka East Khasi Hills District u la ong ba mynta ka dang heh um, halor katei ka shithi ki dang peit bad bishar la ka dei ne kam dei wat la ia ka shithi ym don ba soi.
Halor kane ka jingshah rah ki suloi, u myntri rangbah u la kyrpad ba kito kiba rah ia ki suloi kin sngew bha ban pyntip ha ei ki bret ia ki tiar bad kila pyntip khlem da iathuh ia ka kyrteng jong ki, ka sorkar ka don kam ia ki tiar ym ia ki briew.
Ka shithi kaba la leit ban buh ha ophis jong kawei na ki kot khubor la lah ban long ha dien ka jingkyrpad jong u mytnri rangbah ka jylla u Cornad K Sangma ba u ong ba ka sorkar ka don kam ia ki tiar, kwah ban tip ia ki kyrteng jong ki briew.
