New Delhi, Nailur 17: Ka India kalong ka ri jong ki jait jingshna kti bapher bapher. Kine ki jingshna ym tangbakilong shi bynta ka pateng ba khraw jong ngi, hynrei ki nohsynniang ruh sha ka jingplie lad ioh kam ia bun ki briew.
Ki nongtrei kti kiba trei ia kine ki kam kum ka jingshna khiew, shna lieng, shna juti bad kiwei kiwei ki ktah ia ka jingim jong kiba don hajan jong ki bad ka jingnohsynniang jong ki kalong kaba kongsan ia ka ioh ka kot ha ki jaka nongkyndong jong ka ri. Bun na kine ki nongtrei kti ki long shi bynta ka ioh ka kot bad ki trei da la ki kti bad ki tiar jong ki.
Ha kaba iadei bad kane, la pliepaidbah ia ka PM Vishwakarma da u Myntri Rangbah duh ha ka VishwakarmaJayanti ha ka 17.09.2023 da ka sorkar India ban pynkylla ia ka jingim jong kine ki nongtrei kti, ba la tip kum ki Vishwakarma lyngba ki kam bapher bapher.
Ka skhim PM Vishwakarmakadeika skhim kaba kynthup ia baroh kaba ai jingkyrshan ia ki nongtrei kti. Hapoh ka skhim, ki kam tynrai ki kynthup u nongshna wait, mohkhiew, nongshna lieng, nongshna ia ki atiar, nongshna ia ki tiar nar, nongshna khiew.
Nongshna tyrnem bad tiar, nongshna tala, nongshna ksiar nongshna khiew ), Nongpynwandur,Nongshoh maw, nongsuhjuti , Nongshna shang, sylliah, nongshna synsar, nongthain tyllai& nongshna jinglehkai , nongkhapshniuh , nongshna syntiew (Malakaar), nongsaitjain (Dhobi), nongsuhjain (Darzi), bad nongshna jar khwaidohkha.
La pynshongnongrimia ka skhim katkum ka rukom treikam “ba kynthup baroh kawei ka sorkar”. La pyntreikam lang ia kane ka skhim da lai tylli ki Tnat jong ka sorkar India ba kynthup ka Tnat Micro, Small and Medium Enterprises, Tnat Skill Development and Entrepreneurship bad ka Tnat Financial Services.
Ka don ka jingiatreilang kaba seisoh hapdeng kine ki lai tylli ki Tnat bad ki Sorkar Jylla, kaba pynlong ia ka kum kawei na ki skhim ba kyrpang tam ba la pliepaidbah bad pyntreikam ha ka ri. Ki sorkar jylla ki don ka bynta ba kongsan ha ka kam pynthikna lai tylli ki tier jong ki nongioh jingmyntoi ia ka skhim
Ka jingshim ia ka skhim kalong kaba ai mynsiem. Haba la pliepaidbahia ka skhim ha u snem 2023, la antad ba kin don 30 lak ki nongioh jingmyntoi ha ka samoi kaba san snem. Kalong kaba ai mynsiem ban iohi ba hapoh 11 bnai, 2.36 klur ki briew ki ladep pynrung kyrteng bad na kine, 17.16 lak ngut ki nongioh jingmyntoi ki ladeprejister, hadien ka bynta ba lai jong ka jingpynthikna.
Ka Karnataka kalong kaba bun ki Vishwakarma kiba don la ki jong ki jingsaindur kyrpang. Ki don bynta ha ki kam saindur bapher bapher kum ka jingpynwandur ha ki maw, ki kam ba iadei bad ki dieng, ka jingpynwandur ha u dieng sandalwood, ki kam ba iadei bad ki nar kum kamBidri, kam shna khunmynriew bad jinglehkai bad kiwei kiwei.
Ka la don ka jingpdiang kaba bun ha ka jylla Karnataka ia ka skhim PM Vishwakarma. Haduh mynta, 28.99 lak ki briew ki la pynrung kyrteng ha Karnataka.Na kine 3.93 lak ngut ki nongioh jingmyntoi ki ladep pynrung kyrteng.
Kumba 2 lak ngut ki nongioh jingmyntoi ki la pyndep ia ka jinghikai pyntbit bad palat 35,000 ngut ki nongioh jingmyntoi ki la ioh ram haduh T. 1 lak. Baroh ka pisa ba la sanction kalong T. 305.08 klur kum ka jingai ram sha kine ki nongioh jingmyntoi.
Ka skhim ka ban jur ban ai ka ‘Samman’ia ki Vishwakarma kiba trei ia kine ki kam, ban kyntiew ia ka ‘Samarthya’jong ki bad wanrah ia ka ‘Samriddhi’sha ki. La ai ia ka ‘Samman’sha ki nongioh jingmyntoi da kaba ai ka syrnotPM Vishwakarma bad ka ID card ia ki shisien ba ladep pynrung kyrteng.
Ban tei ia ka ‘Samarthya’ jong ki, ka skhim ka thmu ban kyntiew ia ka sap treikam jong ki nongtrei kti. La ai jinghikai pyntbit ba 6 sngi ia ki nongioh jingmyntoi da ki nonghikai ba la tbit ha ki kam bapher bapher.
Ki nongioh jingmyntoi ki ioh ka stipend kaba T. 500 shi sngi kum ka jingai na ka bynta ka jingduh bai sngi,nalor ka bai leit bai wan kaba T. 1,000. Shuh shuh, ia ka bai bam bad jaka sah na ka bynta ki nongioh jingmyntoi ha ka por ioh jinghikai la bei tyngka pura da ka Sorkar bad ym donkam jingsiew eiei.
Sa kawei ka bynta jong ka ‘Samarthya’la pynthikna lyngba ka jingmyntoi kaba haduh T. 15,000 ban iarap ia ki nongtrei kti ban pyndonkam ia ki tiar katkum ka juk mynta ha ki kam jong ki.
Ka Tnat MSME ka la iatreilang bad ka Tnat Posts, ha kaba lyngba ka rynsan jong ka ba don kylleng ka ri, kan pynthikna ba la aiti ia ki tiar shna sha ki nongioh jingmyntoi ha ki tyngkong iing jong ki.
Ka ‘Samriddhi’jong ki nongioh jingmyntoi ka thmu ban ioh ram ha ka dor kaba duna bad ban pyniaid iew. Ka skhim ka ai ram haduh T. 3 lak ha ki artylli ki bynta kaba T. 1 lak bad T. 2 lak, ha ka sut kaba duna kaba 5%. Yn shym la buh ia ka bai guarantee ia ki nongioh jingmyntoi.
Shuh shuh, ka skhim ka ai jingmyntoi ia ki nongioh jingmyntoi ban pdiang ia ki jingsiew digital bad ban ioh biang ia ka pisa kaba la ai man ka por haba don ka jingiew digital. Man ka bnai, la thep T. 1 na ka bynta kawei ka jingsiew digital haduh 100 tylli ki jingsiew ba pura sha ka account jong u nongioh jingmyntoi na ka bynta man ka jingsiew digital lane jingioh pisa.
Ka rukom pyniaid iew ban kyntiew ia ki mar bad ki jingshakri jong kine ki nongtrei kti ha ki iew hapoh ka ri bad shabar ri kadei shi bynta jong ka skhim.
Kane ka kynthup ka syrnot ba iadei bad ka jingbha, ka jingai jingtip, ki jingpynbna bad kiwei kiwei ki kam pyniaid iew ba thmu ban kyntiew ia ka jingiadei jong ki bad ka kam ban pynbha shuh shuh ia ki tiar ha ki rynsan e-commerce kum ka GeM, ONDC, bad kiwei kiwei bad ki syrnot ba iadei bad ka jingbha la pynshlur hapoh ka bynta jingpyniaid iew jong ka Skhim.
La pynkhrehia ka Skhim ba kan long kaba iarap bha ha ka jingtei ia ka India kaba thymmai da kaba pynkup bor ia ki nongsaindur bad ki nongshna tiar ba kin sdang ia ki kam lajong.
Kalong ka sienjam kaba dei ban ai jingiaroh jong ka sorkar ban kyrshan ia kito kiba pynnehpynsah ia ka deiriti jong ka India bad ka ri ka don ha ka lynti ban sakhi ka jingkiew jong ki Vishwakarma ha ka jinglong ka ioh ka kot jong ngi, ia kane la thoh da ka Myntri Khynnah ba dei khmih ia ka Tnat Micro, Small and Medium Enterprises and Ministry of Labour & Employment.
