Shillong, Lber 08: U Myntri ka tnad khlaw James K Sangma mynta ka sngi haba jubab ia ka jingkylli jong u bah Syntar Klas Sunn MLA ha kaba ia dei bad ki khnap thangbriew la iathuh hapoh ka iing dorbar la dep ban shna 26 tylli ki khnap thang briew kiba la tip kum ki “Eco Friendly Crematoriums”.
Haba jubab ia ki jingkylli bynrap na ka liang jong u myntri u la ong ba kine ki 26 tylli ki khnap thang briew ki dei kiba la shna ha kylleng jong ka jylla bad ia kine ki jingthang briew la bei pisa lyngba ka 12th Finance Commission na ka bynta ki 12 tylli ki bad 7 tylli lyngba ka ka 14th Finance Commission.
Haba ia dei bad ka jingpynioh ia ki jaka ban shna ia kine ki khnap thangbriew ka sorkar kam don kano kano ka jingleh shiliang, lada don kano kano ka jingeh ban ioh ia ki jingbit bala tip kum ka NOC ki dei ban wan sha khmat ban pyntip sha ka sorkar ban pynbeit ia ka jingeh lada ka don.
Haba ia dei bad ka jingkwah jingtip la ka sorkar kan dang bteng ne em ia kine ki jingtei ha ka jylla, na ka liang jong u myntri ka tnad khlaw u James u la ong ba ka shong ha ka jingdon kam pisa na ka liang jong ka sorkar ka kwah ban dang tei shuh.
