Shillong, Lber 08: U Myntri Rangbah ka jylla u Cornad K Sangma haba jubab ia ka mat ia kren hapoh ka iing dorbar ia kaba la wan rah da u bah Mayralborn Syiem ha ka dur jong ka ‘zero Hours Notice’ la ong ba ka sorkar kala shim khia ia kane ka jingdawa ILP bad ka sorkar pdeng.
U Myntri Rangbah la ong ba ka sorkar dang shen ha ka jingwan jong u myntri ka tnad kam poh iing sha Meghalaya ka sorkar jylla kala ai ia ka dorkhas ha kaba ia dei bad kane ka jingkwah ban ioh ia ka Inner Line Permit.
U Myntri rangbah la ong ba ka jingdawa ia ka ILP ha kane ka jylla kala wan na bun ki seng bhalang ba dei ban pyntrei kam ia ka ILP ha kane ka jylla, dei halor kane ba ka sorkar kala khot ia ka dorbar kyrpang ha ka 19/12/2019 ban shim ia ka rai ban pyntrei kam ia ka ILP ha kane ka jylla da ka iing dorbar.
Ha dien ba ka iing dorbar kala shim ia kane ka rai kala phah ia kane ka rai sha ka sorkar pdeng ba ia ka Meghalaya Ruh dei ban kynthup lang ha ka Bengal Eastern Frontier Regulation 1873 ba dia kane la phah ha ka 23/12/2019.
Haba ia dei bad ka jingwanrah ia ka jingpynkylla ia ka Meghalaya Residence Safety security Act, 2016 ha ka 19/3/2020 ka long ban kham pynbha shuh shuh ia katei ka ain kaba la don lypa.
Kumba ka long ka Citizenship Amendment Act, kam trei kam ha ki jaka ba don ka Sixth Schedule, ha ka jylla ki don ki jaka ba lait na ka Sixth Schedule dei halor kane ka nongrim ba ka sorkar ka kwah ba ka ILP kan trei kam ha ka jylla ban pynlait ia ka jylla baroh kawei na ka jingtrei kam ka CAA.
Ha dien ba ka iing dorbar kala dep ban phah ia karai ba ka sorkar Meghalaya ka kwah ban pyntrei kam ia ka ILP ha kane ka jylla, ka sorkar jylla kala ia kynduh bad ka sorkar pdeng ha kaba ia ei bad kane bad ka sorkar hi kala shim khia ban pynioh ia ka ILP ha Meghalaya.
