Shillong, Lber 15: Ka tnad rep jong ka jylla bad ka tnad shangsuwari kan pynlong ia ka tamsa bad u soh Strawberry kaba khyndai sngi lynter na duh ka 5th haduh ka 13th Iaiong 2024, kane ka long ban kyntiew ia jingshangsuwari ha kane ka jylla.
Kane ka tamasa kan long ha baroh ki jaka rep ia u soh Strawberry namar kane ka dei ka por kheit ia une u sah, ki jaka rep ki long ha shnong Syntung bad Nohron ha East Khasi Hills, Umktieh bad Sohliya ha Ri Bhoi, ha shnong Baladinggre, Darechikgre, Durakantragre ha West Garo Hills.
Ia kane ka tamsa la pynlong da ka jingiatreilang ka tnad rep lyngba ka bad ka tnad Shangsuwari, na ka liang jong ka tnad rep soh kala pynshlur ia ki briew ba kin thung ia une u sah ha kane ka jylla ha ka rukom kaba heh bha.
Ha ki jaka ban pynlong ia kane ka tamsa kan don ka jingpyninam ia ki sah, ki jingrwai, ki shad tynrai bad yn die ruh ia ki symbai jong u soh Straberry, kane ka jingpynlong ia ka Tamsa ka long ban kyntiew ia ka khaii pateng ha ki nongkyndong.
