Mawdem, Nailur 23: U Organising secretary jong ka seng HYC u Bah Nikson Dohling u la leit ban pynskhem ia ki nongkit kam jong ka seng ha ka shnong Mawdem ha Ri Bhoi District, ka jaka kaba dang sah dien bha kane ka jaka.
Ha kane ka sngi u Bah Nikson Dohling u la pynskhem ia ki nongkit kam jong ka seng ha kane ka jaka, ha kaba u bah Wankupar Dyia u la shah pynshem kum u president, u Bah Ehbok Dyia kum u General Secretary, u Bah Lamshai Rani kum u Vice president bad lajied ruh 23 ngut kiwei pat ba kin long ki nongkit kam jong ka seng.
Ha ka jingkren jong u Bah Dohling, u la kyntu pynpham ia ki dkhot jong ka seng kiba la don ia ka jingiohi jngai ba lyngba jong ki kin long ki jingsawa na ka bynta ban trei na ka bynta ka shnong ka thaw ha kaba kila iohi ia shibun ki jingeh ha ka shnong ka thaw.
“ Ngi dei ban sngewthuh ban don ha ki seng bhalang, ym ban ia kular ban sam tin ne ai skhim, hynrei ka kam kaba ha khmat eh kaba ki dei ban leh kan long halor ka jingwad jingtip mardor bad kata ka dei ka surok, namar ngi la iohi ia ka jingsniew ka surok”.
Ka long kaei kaei kaba sngew lyngngoh ka long ban iohi dur khmat ia ki nongmih khmat ka long tang shuwa ban poi ka elelction hynrei yn da la jop kim iohi haduh mynta bad kane ka long kaei kaei kaba sngew synei bad phi long kum ki khun swet, hynrei wat sngew khun swet, leh se kan shim por da ki snem hynrei kin ia pyntyllun lang baroh kawei kum ka seng.
