Shillong, Nohprah 14: Ka seng lehnoh HNLC kaba la shah niew beain kala shim iaka jingkitkhlieh sa shisien haka jingdonkti ban pynbthei ia u bomb IED uba don bad ka baje haka jaka sah ki nongtrei ka Star cement.
Ka daw ka jingpynbthei ka long ba u trai katei ka karkhana u kyntait ban siew iaka khajna ba ka seng ka buh ia katei ka karkhana, la kam u general secretary ka seng u bah Sainkupar Nongtraw ha ka kyrwoh kaba u la phah sha ki lat pathai khubor.
Ka jingdon jong ki karkhana ba nabar haka Jaidbynriew kam shym wanrah kano kano ka jingmyntoi,wat ia u dewiong naduh mynshuwa kim thied shuh uba la pynmih nangne ki thied nabar, lada ki mut ban thied ruh ki khniot iaka dor kaba tad.
Ka jingthepkam thepjam ruh ka long beit da ki briew jong ki kiba ki wanrah hi na bar jylla,katba ki khynnah samla ka jylla pat ki hap ban leit wadkam bad trei ha bun tylli ki karkhana kiba shabar.
Ka jingbym lah ban pyn treikam daka sorkar ia ka karkhana Cement ha Mawmluh ka pyni iaka jingtlot jong ka sorkar, kat haduh ba ki nongtrei MCCL kin hap ban mih sha surok ryngkat ki ummat ban dawa iaka jingshahset tulop.
Katba daki phew tylli ki karkhana shimet kiba nabar ki lah ban treikam khambha ban iaka karkhana sorkar haduh ba ki lah ban buh iaka dor cement shi byrni haka dor kaba heh.
Ka Seng ka phah ruh iaka jingsngewlem sha kito ki briew kiba mynsaw ne lada don ba lah iap namar kim shym mut ban pynmynsaw ne pyniap briew,hynrei ka jingshim ka HNLC iaka sienjam kaba khameh mynta ka kynti ha kane ka jingpynbthei ka dei tang namar ba ka tnad pulit naka por sha ka por ka khein troin iaka Seng.
Kam don jingmut iaka sorkar ba kan kyntu ban sangeh iaki kam beain ne ki kam pyntriem wat hadien katto snem ba kila iaishah, baroh shi katto kila kiar naki kam pyntriem tang namar ba ki angnud iaka jingsuk hynrei ki shah kheinjem haki bor sorkar.
Lada ka sorkar ka angnud iaka jingsuk, ka HNLC kan nym lah ban sangeh ia kino kino ki kam ki jong ka katba kam pat don kano kano ka jingiateh kyndon, ki khlem pat pynkhein ia kano kano ka soskular haba kam pat don kum kata, la ong u bah Sainkupar Nongtraw general secretary ka seng HNLC ha ka kyrwoh.
