Shillong, Lber 28: U Superintendent ki pulit jong ka East Khasi Hills District mynta ka sngi la u ong ba kila sdang ban lap ksai ia ki riewsniew kiba la pyniap briew ha Ichamati ha kaba ngut ki briew kila duh ei ia ka jingim ha katei ka jingjia kaba sngewsih.
Na ka liang jong ki pulit kila dang bteng ia ka jingtohkit kaei ka jingthmu kaba don sha lyndet ha kaba ia dei bad kane ka jingpyniap ia kitei ki briew ha katei ka jaka, ha ka juh ka por la kyntu ia ki paidbah ba kin pynneh pynsah ia ka shongsuk shongsain bad ban but ia ki kyndon ka ain.
Na ka liang jong ki pulit kila pynjur ia ka jingpahara ha kate ka shnong Ichamati ban pynthikna ba ka jingshong suk shongsain kan don hapoh ka shnong ka thaw bad ka tei ka thain baroh kawei.
