Shillong, Lber 05: U Myntri rangbah ka jylla u Conrad K Sangma haba jubab ia ka jingylli bala wanrah da u bah Adelbert Nongrum haba ia dei bad ka Article 371, u myntri rangbah u la ong ba kam pat don ka jingiakren na ka liang jong ka sorkar.
Haba jubab ia ki jingkylli bynrap u myntri rangbah la ong ba haduh mynta ym pat sngewdon kam ia kane ka Article namar kila don ki District Council ha kane ka jylla ha kaba ki don ia ka bor ban thaw ain, ia ka iing bishar bad ia ka bor synshar, katba ha ka Article 371 kam don.
U myntri rangbah u la kdew ruh ba ka Article 371, ka jingpyntrei kam ia kane kam long ryntih ka iapher na kawei ka jylla sha kawei pat ka jylla bad ai nuksa ia ka jylla Maharashtra kaba don ia kane ka Article bad kiwei ki jylla ruh.
Haba peit ia ka jingpyntrei kam ia ka UCC ha kiwei ki jylla kam long tyntih namar ia ki riewlum ka ain UCC la pynlait na ka bynta jong ki, lada ka don lada ka ktah ia ki paidbah ka jylla kan nym pdiang ia kata.
