Shillong, Nailar 08: Hadien ba u Myntri ba peit ia ka tnad ka rep ka riang u bah Banteidor Lyngdoh la pynbna ba la pynjlan ia ki nongrep ba kin siew ia ki ram ki shah u Bah Himalaya Shangpliang u la ong kan bha shibun lada ka sorkar kan mab noh ia baroh ki ram jong ki nongrep.
Halor katei ka jingpynbna jong u Myntri ba peit ia ka rep ka riang ban pynjlan ban siew u Bah Himalaya Shangpliang u la ong, “Ngan jin da sngewnguh ia ka sorkar lada ka sorkar ka mab iaki ram jong ki nongrep ban ba pynjlan ia ka por ha kita ki lai bnai namar ha ba kut ka sngi ki nongrep ki hap ban siew beit hi ia ka pisa”.
Shuh shuh u Bah Shangpliang u la ong, Kane ka jingpynjlan kam don jingmyntoi eiei ia ka por bad na kata ka daw kan bha hi ban mab ia ki ram jong ki nongrep baroh u la ong..
U la ong ruh, Na ka liang jong ka sorkar NDA hapoh ka jingialam jong u Modi kum u Myntri Rangbah duh ka ri kila pynbna ia ka song na ka bynta kane ka khlam COVID 19 ia kaba la pynbna ba kin mab ia ki ram ki shah jong ki nongrep.
Kumba ka sorkar NDA kala pynbna,“Ngi ruh ngi khmih lynti ba ka sorkar MDA hapoh ka jingialam jong u Conrad K Sangma kum u myntri rangbah ka jylla kan leh kumjuh” u la ong.
Nga kyntu ia u Chief Minister ba un sngewbha ban peit ia kane ka kam khang ba ki nongrep jong ngi kin ioh jingmyntoi da kaba mab noh ia ki ram ki shah ki jong ki, ong u Bah Shangpliang.
