Shillong, Iaiong 04: Ki shipai BSF kila ioh ban kem saw ngut ki kynthei khar Bangladesh na khappud katba dang pynrung ia ki sha India, la ioh ruh ban kem 1 u nong India bal eh ia kane ka kam beain.
Ki shipai BSF mar ia ioh jingtip na ki bor syntiat ba don ki khar Bangladehs kiba la rung sha India da ka jingiarap jong u wei u nong India kila pynlong ia ka jingap ktem bad ha kane ka jingkhynra kila ioh ban kem ia ki saw ngut ki khar Bangladesh bad u wei u nong India ba iarap pynrung sha India.
Haba ki BSF kila pyndep ia ka jongtohkit katkum ki kyndon ain la aiti noh ia ki khar Bangladesh sha ki pulit jong ka Pynursla bad ia u nong India ba pynrung khar Bangladesh, ia ki tiar ki tar kaba ki khar Bangladesh ki rah la aiti lang ha ki pulit ka Pynursla.
Ki shipai BSF na duh ba sdang u bnai Kyllalyngkot 2025 haduh mynta kila ioh ban kem 78 ngut ki khar Bangladesh kiba la wan rung beain sha India na khappud ka jylla Meghalaya.
