Shillong, Iaiong 30: Wat hapdeng ka jingpyrkhing kaba sherkhei ki nongkhaii masi tuh sha Bangladesh kim salia, ki shipai BSF mynta ka sngi kila kem ia u Sauful Islam ba 30 snem ka rta na u ba dei na ka shnong Bhati Jhagarachar jong ka jylla Assam na Mankachar District ha kaba kila ioh ban kurup haduh 21 tylli ki masi.
Ha ka jingtrei shitom jong ki BSF kila ioh ban kurup sa 12 tylli ki masi na Gaobari hapoh jong ka South Garo Hills District katba ki nongniah ki dang beh ia ki ban pynrung sha Bangladesh hynrei ki nongniah masi kila ioh ban phet na ka kti jong ki shipai BSF.
Ha ka juh ka por ki BSF kila ioh ban kurup 63.87 Cft ki dieng sawdong na ka wah Singsang ia kaba la pynhap hapoh wan ban pynki ia ki sha Bangladesh, ki shipai BSF man ka por ki juh ioh ban kem ia ki nongkhaii dieng beain hynrei kane ka jingshallan tuh ia ki dieng sha Bangladesh ka dang jyllei. Na ka liang jong ki BSF kila shimia ka rai ban nym ailad ia kane ka jingkhaii tuh sha Bangladesh.
