Shillong, Risaw 22: Ki shipai BSF kiba don ha Gumaghat, kaba hap hapoh jong ka South West Khasi Hills district kila ioh ban kem san ngu ki khar Bangladesh kiba la wan rung sha India ban wad bylla tih dewiong ha ki thain Rajaju.
Kine ki san ngut kiba la shah kem ki long u, Gopal Marak, Piliban Sangma, Tanay Marak, Nirupi Sangma, bad Milition Sangma, kine baroh san ngut ki dei na ka shnong Aanandpur jong ka Snamugunj hapoh jong ka Ri Bangladesh Bangladesh.
Haba ki BSF kila tohkit ia kine ki Garo Bangladesh, u Tanay Marak, Nirupi Sangma bad u Milition Sangma kila iathuh ba ia ki la wan ban ialam da u Gopal Marak bad u Piliban Sangma namar kine ki dei kiba la don ha katei ka jaka bad dei kin ear ngut kiba la khot ia ki ban wan sha India ban wan bylla tih dewiong.
La iathuh ba u Gopal Marak u la trei mynta la saw bnai ha Borsora bad u Piliban Sangma u la trei mynta la ar snem ha Rajaju kine ki jaka ki long marsyndah bad u Nirupi Sangma u la trei mynta la shiphew bnai bad ar ngut kiwei ki dei kiba dang shu wan thymmai.
Na kine ki san ngut la ioh ban kurup ki mabile badki sim kard Bangla lem bad ki wei kiwei ki tiar. Ia kine la aiti sha ki pulit ba kin leh ia kaba don kam katkum ka ain.
