Shillong, Lber 18: Ki Pulit ka East Khasi Hills District mynta ka sngi ka 18 tarik u bnai Lber kila kem noh ia u wei u briew uba la tip kyrteng kum u Olis Mukhim 27 snem ka rta bala shah kynnoh ba donkti ban bat bor ia kawei ka khynnah samla kaba don jingduna ha ki dkhot met ha Nonghali.
Haba ia kren bad u Superintendent of Police ka East Khasi Hills District u Bah Vivek Syiem u la iathuh na ka liang jong ki pulit kila ioh ka jingujor halor kane ka jingjia kadei ka 16 tarik mynta u bnai Lber, hynrei ka kam pohjait ba une u briew u la leh kala dei ar taiew shwa ban leh ia kane ka kam.
Shuh shuh u Bah Syiem u la iathuh ba kane ka samla kadei kaba don jingduna ha ki bor ioh sngew bad kumjuh ruh kaba ym lah ban kren bad kane ka buh jingeh ia ki pulit.
Halor kane ka jingjia, u Bah Vivek Syiem u la iathuh ba ia une u briew da ka jingtrei shitom ki Pulit ka Mawdiangdiang bad Nongmensong la ioh ban kem ia une u briew mynta ka sngi ka 18 tarik u bnai Lber.
Shuh shuh u Bah Syiem u la iathuh ba “ki pulit kila register case pyrshah ia une u briew hapoh ka kyndon BNS bad Right of person with disabilities bad mynta ka sngi la rah ia u sha ïing kashari ban pan jingbit ban ioh buh hapoh custody khnang ban ioh tohkit ia u”.
