Shillong, Risaw 21: Ki pulit jong ka nongbah Shillong, kila ioh ban kem lai ngut ki briew kiba la suba ba khaii drok na jan Dhankheti Shillong, kiba la shah kem ki long u Marvince Majaw 43 snem, u Phiralang Dkhar 42 snem bad u Imti Ao Shylla 47 snem.
Na kine ki briew lai ngut ki pulit kila ioh na kurup ar tylli ki synduk sabon bad la lap ia u drok Heroin ba 23.95 gram bad na ka met jong ki la ioh ban kurup T.44,500/- tyngka ka pisa, la kurup ia ka kali Venue bad lai tylli ki mobile, na ka liang ki pulit ki la register mukotduma pyrshah ia kitei ki briew.
Ki pulit jong ka nongbah Shillong kila long kiba peitngor ban pynrhikna ba ki nongkhaii drok kim dei ban ioh lat bad ba kin die sha ki khuan samla, na ka liang ki pulit long kiba la khreh ban ia khun pyrshah ia ki nongkhaii drok ha kane ka jylla Meghalaya.
