Shillong, Nohprah 19: U myntri khynnah jong ka sorkar pdeng ba dei peit ia ka tnad Development of North-Eastern Region (DoNER), Dr Jitendra Singh u la ia kynduh ia ki trai jong ki kompeni baheh baheh ha Mumbai ban ia kren kumno ban khring ia ki ba kin wan bei pisa sha kane ka dong shatei lam mih ngi jong ka Ri India.
Kiba la ia wan sha kane ka jingilang ki long kki dkhot jong ka Indian Merchants’ Chamber (IMC), ka seng ki nongkhaii kiba la kot mynta 150 snem ha kane ka Ri India bad u myntri khynnah ki kam jngohkai pyrthei jong ka jylla Maharashtra u Jaykumar Rawal. Ha kane ka jingialang u president jong ka IMC u Deepak Premanarayan, bad bun kiwei kiwei de.
Ha kane ka jingiakren bun na kine ki heh spah kila pyni ia ka jingkloi jong ki ban wan seng kam ha kane ka dong shatei lam mih ngi jong ka Ri India. Haba kren ha kane ka jingialang u Dr Singh u la ong ba ka dong hsatei lam mih ngi jong ka Ri India ka don ia ki lad kynti ban kyntiew ia ka ioh ka kot ha ki kam shangpyrthei namar bun na ki jaka kiba ym pat lah ban shem ha duh kine ki sngi.
Ha kane ka sngi u myntri u la kyntu ruh ia ki ba ki lah ban wan seng ia ki jaka ai jingsumar ha ka liang ka koit ka khiah, hynrei na ka daw jong ka jingbymtip kala pynlong ia ki ba bun ki briew na Mumbai, Maharashtra bad Gujrat kin leit kai sha Bangkok, manar ba ym shym la pynsngewthuh ia ki ha kaba ia dei bad ka Shillong bad ka Gangtok kiba kham I tynnad ban ia katei ka jaka.
Kiba bun na ki nongjngoh kai pyrthei kiba bun kiba wan sha Shillong ki dei na Ri Europe bad u la ong ba khamtim ki briew na bari ri ban ia ki nong Maharshtra ha kaba ia dei bad kane ka thain bad ha kane ka jingialang u la ai jingmut ruh ba pynlong ia kane ka thain kum ka jaka sumar ha ka liang ki kam jngoh kai pyrthei.
U Dr Singh u la ai jingmud ruh ban kyntiew ia ki kam jngohkai pyrthei ha kane ka dong shatei lam mih ngi jong ka Ri da kaba kynthup lang ha poh ka thong “Start up India” bad kane kan iarap ia ki samla ba kilah ban seng ia ki kam ki jam bad ba kin long ki nongplie lad ha ka iohkam ioh jam na ka bynta kiwei ki para samla.
