Shillong, Nailar 16: Kawei ka khynnah samla kaba na Shillong kaba trei Air Hostess bad ka private company Indigo Airlines kala khlad ha Kolkatta, la kynnoh ba kane ka khynnah kala hap na jrong iing lai mala. Na ka liang jong ki pulit jong ka Kolkatta kila bat ia ar ngut ki briew ha kaba ia dei bad kane ka jingjia ban kylli jingkylli.
Katkum ka khubor pulit na Kolkatta ki iathuh ba ia kane ka khynnah samla la ithuh kum ka Clara Bansharai Khongsit, na ka jingtip jong ki pulit la ong ba kane ka samla ka dei ka nongialam kum ka ait hostess hapoh jong ka Indigo Airlines. Na ka liang jong ki pulit kila ong ba kim pat lah ban ong ei ei namar ba ki dang jurip ia kane ka jaka ba don kane ka jingjia.
Katkum ki thymmei khubor ki iathuh ba kane ka khynnah samla kala leit sha katei ka iing namar ka dei ka sngi kha jong para lok ha ki bynta jong ka Prafulla Kanan ha Kestopur. La ong ba ia ka met jong ka la lap na jan jong kata ka iing ba ka leit ha kaba ka khlieh jong kala mong bad kane kala thiah ha ryngkat ka jinglyngkien jong ka snam kiba don ha katei ka jaka kila pyntip sha ki pulit.
Na ka liang jong ki pulit kila bat ia ar ngut ki briew u wei u shynrang bad kawei ka kynthei kiba la shah kynnoh ba kila ia don lang ha katei ka jingleit khawai. Ki pulit kila ong ba ki dang wat bniah shuh shuh ha kaba ia dei bad kane ka jingjia ong ki pulit jong ka Bidhannagar police station said. Ia ka met jong kane ka samla la phah ban leh ia ka post-mortem. Kane ka khynnah samla ka dei kaba shong ba sah ha Lumparing Dong skul.
