Shillong, Jymmang 03: Mynta ka sngi ki paidbah ha ka shnong Nongthliew kila bom ia ki ar ngut ki riew rangbah halor ka jingshah kynnoh ba ki thmun ban leh beijot ia kawei ka khynnah kynthe.
Ki ar ngut ki riew rangbah kiba la shah bom ha ki paidbah kila mynsaw jur bad na ka liang jong ki pulit kiba la poi ha katei ka jaka kila shimti bad pynkit noh ia ki sha Tirot Sing Memorial Hospital ha kaba u wei na ki la khlad noh bad ia u wei pat la pynkit noh sha Shillong Civil Hospital.
Ki thymmei khubor kiba la ioh da u SP News Agency mynta ka miet na ki pulit jong ka Eastern West Khasi Hills District kila iathuh ba kila ioh jingtip ba u ba la pynkit sha Shillong Civil Hospital ruh u la khlad noh namar bala ban jur ka jingmynsaw.
Na ka liang jong ki pulit kila iathuh ba ia ka kyrteng jong kiba khlad naduh mynta ym pat lah ban ioh namar ba kam pat don kano kano ka jingujor ia ka ejahar halor kane ka jingjia wat na kiba ha iing ruh kim pat ioh ia ka jingujor ha lane kane ka jingjia.
Na ka liang jong ki pulit kila pynsngew ba lada jia ba kiba ha iing kim wan ban ujor kin hap ban register ia ka ejahar na ka liang jong ki da ka Suo Muto, na ka liang jong ki pulit ki lada kiba ha iing kim wan sha khmat kin hap ban register ia ka ejahar na ka liang ki pulit.
