Shillong, Jymmang 06: Ki shipai BSF ha ka meit sngi thohdieng khlem da kren kila siat ia ka wei ka trok ha shnong Mawshun kaba don ha rum pyrursla bad ha kane ka jingsait u wei u rangbah bala tip kyrteng kum u bah Roning Nongkynrieh kumba 35 snem u l khlad ha shen.
katkum ka jingiathuh jong u wei na kiba ia don lang ha katei ka trok la ong ba mar ia dep siat ki BSF kila phet noh na katei ka jaka bad ha dein katto katne por la wan poi sha ki pulit jong ka Pynursla police station ban tohkit halor kane ka jingjia kaba sngewsih.
Ha kane ka jingsiat da ki shipai BSF kumba la kynnoh ki lai tylli ki kulit kiba dei ha ka met jong u tei u rangbah ba niah ia katei ka trok kila dei na ki bynta jong ka khlieh bad ryndang, halor kane ka jingjia na ka liang jong ki BSF kim pat ai kano kano ka jingpynshai.
U Superintendent ki pulit jong ka East Khasi Hills Distict u bah Silvester Nongtynger haba kren u SP News Agency u la ong ba ki pulit kila register ia ka ejahar pyrshah ia ki nongsiat, ia ka met la wan kit sha Civil Hospital Shillong ban pyndep ia ka post marten bad ha dien bala pyndep la aiti ia ka met sha kiba ha iing ha sem.
