Baghmara, April 13: Mynta ka sngi da ki hajar ngut ki khynnah pule, ki kynhun seng bhalang bad ki kynhun nongshong shnong ki la shim bynta ha ka jingialang ba la khot pynlong da ka A’chik Conscious Holistically Integrated Krima (ACHIK) ha Baghmara, South Garo Hills (SGH).
Ha kane ka jingialang ka long ban iakren iatai halor ka Roster bad ban pynlong ia ka Tura kum ka nongbah ba ar ka jylla. Ia kane ka jingialang la pyniaid da vice President ka ACHIK ia ka jingiatai bad ban khot ia ki paitbah ban wan lang baroh ha ka ban ia shimbynta halor katei ka phang, u la pynkynmaw ruh ba ka hok ba ki Garo ki ioh ha kine ki 50 snem ba la dep mynta la shah shim noh.
Ki paitbah mynta ka donkam ba kin dawa ia kane ka jingleh kaba u la kynnoh ba la leh jubor ka ba long pyrshah, ka ba long bymkhuid ia ki jaitbyndriew A’chiks ia ka jinglong da ka ba shim noh ia ka hok bad kin pyrshah lada shim noh ia kane ka snem pyntrei kam ia ka Roster.
Ki nongshim bynta ha bakren ha kane ka sngi ki la ong ba u snem 1972 u dei ba la shim ia kane ban pyntrei kam bad ymdon jingmap haba iadei bad kane. Ha kawei pat ka liang ki jaitbyndriew ACHIK bad ki nongshong jong ka South Garo Hills ki la iakren ba ka nongbah ba ar jong ka jylla ka ei bna long ha Tura bad ban pynbing lut ia baroh ki ophis jong ka sorkar kumba don ha Shillong.
ACHIK ka iathuh ba kin nym shongthait satia haduh ban iai dawa ia ka – Roster System ba dei ban pyntreikam naduh u snem 1972 bad ia ka nongbah ba ar bad khlem da pynslem ia ka jingbishar kaba hok ia Ki paitbah ka A’chik. Ia ka jingialang la pyniaid da u President ka seng u Thomas M Marak.
Ka muktiar Bernita R. Marak general secretary ka seng Krima Council, Achick kala iathuh ba ka seng mynta ka sngi kala iathuh ba kila pynglong ia ka jingialang ha Baghmara ban ia kren ia ka Roster bad ban dawa ban pynlong ia ka Tura kum ka nongbah ba ar ka jylla.
