Shillong, Kyllalyngkot 27: Ka CoHSO ka pyntip paidbah ba kan don ka Dorbar Bah ki khun Hynniewtrep ban pyrshah ia ka Citizenship Amendment Bill bill, 2016 ha Madan Stude
nt, Jaiaw Shillong ha ka 31.1.2019. Yn sdang ia Kane ka Dorbar Bah ha ka por 11 am da ka jingiaid kjat na Jaiaw Jingthang Briew bad pynkut ha Madan Student bad ha ka por 12baje yn don ka Jingialang paidbah ha Madan Student.
Kumta, ki khot ngi Wer ia baroh ki dkhot ka Bri u Hynniewtrep ba ngin ia wan Lang baroh ban pynpaw ba kum ka jaidbynriew Hynniewtrep ka pyrshah ia ka citizenship amendment bill 2016 da ka Wei ka jingmut , kawei ka thong bad kawei ka sur.
Kumta la khot ia ki nongialam Jong ki party baroh, ki MP, ki MLA, ki MDC ,ki synjuk rangbah shnong, ki rangbah shnong, ki khlieh nongshynshar hima , ki dorbar kur , ki synjuk rangbah kur, ki nong shong iew, ki nongniah Kali, ki nong trei sorkar , ki nong trei ha ki company bapher bapher , ki seng bhalang baroh kiba don hapoh ka Bri u Hynniewtrep , ki seng samla , ki seng long kmie , ki nonghikai, ki phroh jabieng ka jaidbynriew, ki kynhun niam, ki nongthoh khubor bad ia baroh lang ba ngin wan ha katei ka sngi.
Ka Citizenship Amendment Bill bill ka dei ka mat ka iap ka im Jong ka jaidbynriew, lada ngi shim sting ia Kane khlem pep ngin long noh tang ki mraw ha la muluk . Para Ri ngim dei ban Shu hun ban shong kli kti hynrei ngin mih shakhmat ban pyni ba ngi pyrshah iaka CAB, ka Ri ka don kam ia nga bad ia phi bad ka dei ka kam ram shong Blei Jong ngi ban pynneh pynsah ia la ka Ri.
