Shillong, Risaw 30: Ka jingleh kmen Diwali mynta u snem ha kane ka nongbah Shillong ka long kaba jai jai ha kaba ki riew ngeit Hinu kila pynkhreh ia ki iing ki sem ki jong ki bad kum juh iaki dukan da ki jingpynthaba da ki light kiba ha rukom.
Hapdeng ka jingkylla jong ka por ha kaba ki light ba bun jaid kila mih hynrei ka jingpyndon kam ia ki khiew khyndew ka dang iaid, kane ka jingleh niam Diwali ha ka Ri India ka long ban pdiang burom ia ka Sita ha kaba u Ram u la ioh ban rah biang ia ka na ka jingshah rah ha u Lakshman, kane ka dei ka jingngeit kaba la pynlong ia kane ka jinglehniam Diwali ban pdiang burom ia ka Sita.
Ha kane ka nongbah Shillong, ka jingleh kmen Diwali kam dei shuh tang jong kawei ka kynhun niam hynrei kala dei ka jingleh kmen ia baroh ki paidbah nongshong shnong ha kaba ia jingthang ia ki patak bad ia ki kynja jingpynbethei ba bun jaid la leh da ki paidbah nongshong shnong jong kane ka nongbah Shillong.
Mynta ka jan miet la ioh ba bun na ki trai dukan kila pynphuh pynphing ia ki dukan ka jong ki da kaba thang ia ki shara ha khmat dukan jong ki bad ka jingpynphuh pynphing da kaba shna ia ki khilon ha khmat jong ki dukan da kito kiba kham ioh kham kot.
Na ka liang jong ki bor ba dei peit ia ka District Adminstration ruh kila pynkhlain ia ka jingpahara ha kiba bun ki dong bad ki jaka jong kane ka sor Shillong ban peit ba kane ka jingleh niam kan long kaba iaid beit iaid ryntih.
