Shillong, Naitung 19: Mynta ka sngi ha ka por kumba 8.15 baje u wei u dieng bah na phyllaw jong ka St Mary’s College Shillong ka surok kaba iaid na Don Bosco Squar mih sha Shillong Commerce College, u la khyllem ha surok . Ha kane ka jingjia, ki kali kila julor bad ki dieng post eleltrik ki la kdiah na ka jingban jong une u dieng.
U Bah Antonio War MDC jong kane ka jaka u la iathuh ba kane ka jingjia kala jia ha ka por kumba 8.15 baje mynstep hynrei don bok ba kam shym la don kano kano ka jingjia ba sngewsih ha kaba don ka jingmynsaw jong ki briew wat la ka dei ka por leit skul jong ki khynnah.
Ha kane ka jingkhyllem jong une u dieng bah, u la leit ban hap ha u dik post eletrik ha kaba une u dieng post eletrik u la kdiah bad leit ban hap ha ka Bus SPTS jong ka sorkar bad kawei ka kali jong u riew shimet ba la pynieng ha kane ka jaka ruh ruh ka la them ka tnum.
Kane ka jingkhyllem jong une u dieng bah kala jia ha ka por ba dang jur bha u slap mynta ka sngi ha ka por step, hynrei ha kane ka jaka ki briew kiba iaid ba ieng ki bun bha namar kiba bun ki dei ki samla pule kiba don ha ki college ha kitei ki thain.
