Shillong, Lber 23: Ki pulit kila sdang ban khynra ia ki nongleit nongwan ia ki kali ki bike kaba ki shong ban pynthika ba kam dei ban don ka jingrah pisa palat ia ka T.50000/- tyngka kumba la bthah.
Kane ka jingkhynra kam dei tang ia ka pisa hynrei ioh don kiba kit kyiad ban sam ha kane ka por elekshon MP sha Lok Sabha na kane ka 1-Shillong (ST) Parliamentary Seat ka ban long ha ka 19/4/2024 jong u bnai ban wan.
Kane ka jingkhynra kam dei tang ha ka por mynsngi hynrei ka long arphew saw kynta, bad kane ka jingap ktem ki pulit ka long ha ki bun bah ki jaka ha baroh 36 tylli ki konstitwensi kiba hap hapoh ka 1-Shillong (ST) Parliamentary Konstitwensi.
Ka tnad elekshon kala buh ia ki Flying Squad ha baroh ki konstitwensi bad ki kynhun peit bniah ha kaba kila ieng ha ki dong bad ki surok ban peit ba kan nym don kano kano jingpyndon kam pisa ha kane ka elelction MP.
