Ki 16 ngut ki riew paidbah bala test COVID-19 ha EKH District dei kiba ia jan bad kiba shitom

Shillong, Nailar 05: Mynta ka sngi baroh kiba la tested COVID-19 positive ha ka jylla ki long 22 ngut, na kine 19 ngut ki dei ki riew paidbah ki dei ha  East Khasi Hills District bad ki 16 ngut pat ki dei kiba don jingiajan bad kiba shitom. Kiwei pat 2 ngut ki dei ki riew paidbah ha South West Garo Hills kine ki dei kiba wan phai bad 1 dei u BSF ha West Garo Hills.

U Director ka tnad ka koit ka khiah u Dr Aman War u la iathuh ba 16 ngut ki dei ki ba don ka jingiajan bad kiba la shitom COVID-19 kiba dei na ka thain Nongrim Hills, Laitumkhrah, Mawlai Kynton Massar bad Malki bad lai ngut ki dei kiba wan phai na sha bar ka jylla.

Haduh mynta ka sngi kiba dang shitom ha ka jylla ki long 595 ngut, East Khasi Hills 487 ngut, ki BSF 188 ngut, ki riew paidbah 241 ngut bad ki kynhun shipai ki long 58 ngut. West Khasi Hills District 5, ha Ri Bhoi 58,West Jaintia Hills District 16, East Jaintia Hills 17, West Garo Hills 15 ngut , South Garo Hills 2.

Ki briew ki ba la ioh ia ka jingkoit ba pura ki long 339  kynthup ia ki 9 ngut ki ba la koit mynta ka sngi ki ne ki 9 ngut ki dei 5 ngut na East Khasi Hills District,2 ngut ki riewpaidbah uwei u shipai BSF bad 2 ngut ki Arm Forces bad 4 ngut na Ri Bhoi District .ki sample ki ba la dep ban phah test ki long 39553 ,ki ba long negative ki long 38062 bad ki result ki ba dang ap ki long 552 ngut.

 

What Next?

Recent Articles

Leave a Reply

Submit Comment

*