Shillong, Risaw 08: U Myntri rangbah ka jylla Meghalya u Conrad K Sangma mynta ka sngi lyngba ka Twitter X la pyntip ba ki ki 27 ngut ki briew na kane ka jylla Meghalaya kiba la sah kut ha Bethlehem na ka daw jong ka thma kaba la long ha pdeng ka ri Israel bad ki Hamar na Palestine kila ioh ban mih bad phet sha ri Egypt.
U Myntri rangbah ka jylla u la pyntip bala ioh ban pynlait ia ki 27 ngut ki briew na kane ka jylla ban pynphet sha Egypt dei da ka jingtrei shitom jong ka tnad korbar ri jong ka Sorkar pdeng bad mynta kila don ha katei ka ri.
Na ka liang jong u myntri rangbah ka jylla mar ia tip ba ka don ka jingiakynad hapoh katei ka Ri Isreal bad Palestine u la iakren mar mar bad ka tnad korbar Ri jong ka sorkar pdeng ban pynthikna ba ki briew kiba sah kut na kane ka jylla kin ioh ban mih na katei ka Ri.
