Shillong, Naiwieng 07: Mynta ka sngi ki lai ngut ki nongalam ka seng HYC u bah Donbok Kharlyngdoh Vice Presidenr, u bah Isaac W Basaiawmoit Assitant general secretary bad u bah John Lyngdoh organizing secretary kila shah khot hajir ha ki pulit jong ka Sardar Police Station halor kaba jia ha u snem 2021.
U bah Donbok Kharlyngdoh Vice President ka seng haba kren ha ki lat pathai khubor ha dien ka jingshah tohkit ha ki pulit la ong ba kane ka jingshah khot mynta ka sngi ka dei bad ka ejahar kaba la ai ha u snem 2021.
Katei ka ejahar kaba ki pulit kila nishan pyrshah ia kitei ki nongialam ka seng HYC ka long ba kila leit ban tur sha Secretariat bad kila kylli shibun kiei kiei hynrei kaba la jubab ka long tang kawei ka long ba kila mat kum ka seng kaba ki dawa ha ryngkat kiwei ki lama lada kim leit ban pyrta ha Secretariat shaei kin leit pyrta.
Ha kane ka juba kaba kila ai ka long ba ki pdiang ia ka jingleit tur ka jong ki sha Secretariat, hynrei katno tarik snem katno la ong ba um kynmaw shuh, hynrei kum ki paidbah ki kynmaw ba dei ha u snem 2019 bala pdiang ia ka rai ban pyntrei kam ia ka ILP, hynrei 2020, 2021 kila ap kam shym la don kata ka jingbud dien, kim hun tang ba la shim rai hynrei kim hun ki ruh ki kwah lang bad haba ki kwah lang ki leit sha tei ka jaka ban pynkynmaw ia ka sorkar.
Ki kyndon kiba la nishan pyrshah ia ki ki long hapoh ki kyndon 353, 341 506 bad 34 IPC bad ka kyndon 6(a) MMPO Act kitei kidei ki kyndon kiba la pyngat ia ki kum ki nongialam jong ka seng HYC, kum u nongialam ngam sngewpher ban rung hapoh byndi long kiba la kreh haba shim ia kane ka jingkit khlieh. La ong ba um don jingting ia u kuli, lathi bad iing byndi kin mym lei lei tang ban im ka jaidbynriew.
Kum ka HYC kin dang ia khun kin dang ialeh na ka bynta ka ILP kam dei shuh ka pop, hynrei dei ki 60 ngut ki MLA kila leh pop ki shu shim ia ka rai ha iing dorbar thawain ki khlem bud dien kane ka kdew ba ki khublei pynsngewbha da kamon ki tynrah da kadiang.
