Shillong, Jylliew 15: Ha kliar u Lum Shyllong sha phang sharum na ka jaka lehniam ka Hima Mylliem ki don ki maw shilym brum bad ha kine ki maw ki don ki jingthoh ia ki kyrteng briew bad kum juh ia ki tarik bad ki snem ha kitei ki maw.
Na ka liang jong u SP News Agency haba poi sha katei ka jaka u la shon bad ringdur ia kine ki maw ba don ia ki tarik bad kyrteng jong ki briew ha jan baroh kimaw kiba don ha syntai Lum Shyllong, ia kaba ym tip shai balei la thoh ia kitei ki tarik bad ia ki kyrteng briew.
Haba la ia kren bad u wei na ki riew rangbah bala ia kynduh ha katei ka jaka la iathuh ba ka jingthoh kaba paw ha kitei ki maw ka long naduh ki snem 1784 tet ter haduh ki snem 1926 bad la antad ba ia ki tarik la thoh da ki khlieh nongsynshar ka Hima Shyllong ia kaba la phiah noh ha pdeng ka Hima Mylliem bad Khyriem.
Khlem da pynpaw ia ka kyrteng jong u tei u rangbah bala ioh ban ia kren la pynpaw ba khim lynti ba ka hima Mylliem kaba dei ka peit nongsumar ia u tei u lum kim ker noh ia katei ka jaka ban iada na ka jingshah pynjot kitei ki jingthoh namar ki briew man ka sngi ki leit sha katei ka jaka ban leitkai.
