Shillong, Iaiong 21: Mynta ka sngi ka ophis jong u Returning Officer jong ka 23-Sohiong (ST) Assembly Konstitwensi kala pyntip ba ki kyrtong baroh ki ban ia khun ia ka MLA elekshon ki don 7 ngut baroh.
Ki kyrteng jong ki kyrtong ki long bah S. Osborne Kharjana INC, bah Samlin Malngiang NPP, bah Sandondor Ryntathiang HSPDP, bah Seraph Eric Kharbuki BJP, bah Synshar Kupar Roy Lyngdoh Thabah UDP.
Ka jingpynsangeh ia ka elekshon ha 23-Sohiong (ST) Assembly Konstitwensi ka dei na ka daw jong ka jingkhlad noh jong u kyrong ka UDP ha pdeng ba dang iaid ka jingialap elekshon, ka party UDP mynta kala pynieng da u bah Synshar Kupar Roy Lyngdoh Thabah.
Ka Eletion kommission jong ka Ri India kala buh ia ka 10th Jymmang 2023 kan long ka sngi thep vote bad na ka liang jong ka sorkar jylla Ruh kala dep ban pynbna shuti ia baroh ki jaka pule bad ki ophis sorkar kiba don hapoh ka Konstitwensi bad la shah ruh ia kiba don sha bar jong ka konstitwensi ba kin leit ban thep vote khlem da shah khate ia ka bai bylla sngi.
