Shillong, Rymphang 26: U Block Development Officer jong ka Umsning Block u Raja Brahma la iathuh ba haduh mynta ka jan miet kat kum ki jingkhein kiba la ioh ki iing kiba la shah ktah na ka jingshah pynjulor ha u phria ki long 440 tylli.
Haba kren ha u SP News Agency la iathuh ba, kine ki 440 tylli ki dei kiba la khien lang ia kiba la shah pynjur kiba la jur bha bad kiba dang shu julor malu mala bad kane ka jingkhein kala wan na ki 15 tylli ki shnong na ka thain Umsning pyllun, la ong ba leh se kan dang kiew namar ym pat ioh jingkhein lut.
La iathuh ba na ka liang jong ka ophis mynta ka sngi kala phah ia ki briew jong ka ban leit ban jurip sha kito ki shnong kiba la shah ktah ha kane ka jingpynjulor jong ka mariang la ong ba la kumno kumno ha ka sngi nyngkong lah lah ban ioh ia ka jingkhein kaba shai katno tylli ki iing kiba la shah ktah.
Lah ban pynkynmaw ba na ka liang jong u MLA u bah Jason S Mawlong u la dep ban iathuh ba ka jingjulor jong ki iing kan long palat spah tylli bad ia ka jingkhein kaba bniah yn sa tip ynda la lah ban pyndep ia ka jingjurip.
