Shillong, Jylliew 27: U MP jong ka Shillong u Bah Vincent H. Pala haba kren ha ka jingplie ia ka Ing dorbar jong ka Rngi Jynriew Dong Rum, Lawjynriew, Nongthymmai u la ong ba ki kam pynroi kin wan tang lada ka don ka jingiatreilang ha baroh ki liang haduh ka shnong ka thaw.
U la ong ba ai kane ka iing seng kaba thymmai kan long ka jaka kaban ai jinghikai ia ki samla ha kiba bun ki liang bad kan long ruh ka jaka ban pynlait ia ki khun samla na bun ki kam sniew kiba long pyrshah ia ka imlang sah lang.
Ha ka jingkren jong u Dr Jemino Mawthoh MLA jong kane ka jaka u long ba ai ki nongkit kam shnongmynta kin don ia ka jaka ban pynlong ophis bad kan long ka jaka ban pyniaid beit iaid ryntih ia ka shnong ka thaw ha ka rukom kaba dei.
Kiwei kiba la kren ha kane ka jingialang bap lie ia kane ka iing dorbar ki long u bah Bindo M Lanong, Dr Iaithrang Nongbri, Bah B.Lyngshkor Bah E.J Rynjah, bad bah A.S War.
