Shillong, Naitung 11: Ka Nongstoin ka die ka nongbah jong ka West Khasi Hills District bad kat nangmih ki sngi kane sor kala nangiar katba ka dang mih ki sngi, hynrei ka jingud jong ki paidbah ka long halor ka jingsiew jong ki surok khamtam ia ka surok na Sohpian sha Nonbah.
Kane ka surok kala sniew bad kiba iaid ba ieng lyngba kane ka surok kila ud namar ka jingsiew, la iathuh ba ia kane ka surok la shu ieh khlem maramot la bun snem bad kane kala buh ia ki nongleit nongwan ha ka jingeh.
Ka jingsniew jong ka surok kam dei tang ha katei ka jaka hynrei ki surok kiba leit sha ki dong bapher bapher jong ka sor Nongstoin la ong ba ki long kiba sniew kat sha ba phai, na ka liang ki paidbah ki kwah ban iohi ba ka tnad PWD ka dei ban maramot ia ki da la wan ka tlang.
Katkum ka jingiathuh ki katto katngut ki nongshong shnong ka sor Nongstoin la ong ba ia katei ka surok na Nongstoin Bye Pass sha duh sor Nongstoin kam shym don kano kano ka jingmarmot la bun snem mynta.
