Shillong, Naitung 16: U Myntri ka tnad ka koit ka khiah jong ka sorkar jylla u Bah AL Hek mynta ka sngi u la pyntip ba mynta ka sngi kiba la test COVID-19 Positive ki long 31 ngut, na kine 26 ngut ki dei ki shipai BSF bad 4 ngut ki riew paidbah bad u wei na ki shipai.
Kine ki saw ngut ki riew paidbah, u wei ba wan phai na Maharashtra bad u wei na Utter Pradesh, u wei pat u dei na ka tnad ka koit ka khiah u ba ap ha Screening point ha Byrnihat bad u wei u dei ba ap pang ha NEIGRIHMS bad kiba shitom COVID-19 ha ka jylla ki long 326 ha ka jylla.
U Bah Hek u la iathuh ba ki don lai ngut ki briew kiba ap ha Screening Point ha Byrnihat kaba ki suba ba ki lah ban ioh ia kane ka jingpang COVID-19 hynei ha dien ba la dep ban leh ia ka RTPCR test la shem ba tang u wei ba long Positive.
U Myntri ka tnad ka koit ka khiah la iathuh ba mynta ka sngi 2 ngut ki shipai BSF kila koit na kane ka jingpang bad baroh kiba la koit ha ka jylla ki long 49 ngut. Ki nongmun kiba la shim haduh mynta ka sngi ki long 25,744 ngut kiba la test Negative ki long 24,987 ngut bad ki dang ap ia ka resolt 318 ngut kiba wan phai sha ka jylla ki long 22,105 ngut.
U Dr A War u la ong ba kane ka jingleh ia ka jingteh naphang kala iaid ha baroh ki jaka kiba la pyntip bad ia kane ka test la leh da ka Antigen Kit Test bad ha kane ka jingtes tang kawei kaba la paw Positive hynrei ia kane hap ban pynthikna shu shuh da ka RTPCR Test.
