Shillong, Jylliew 29: U Superintendent ki pulit jong ka East Khasi Hills District mynta ka sngi u la pynmih ia ka jingbthah katkum ka rai jong ka iing bishar jong ka High Court jong ka jylla Meghalaya ba lada don mano mano ba pyrshang ban pynsngewthuh bakla da ki riew shimet ne ki kynhun ia ka jingai Tika dei ban pyntip sha iing bishar.
Na ka liang jong ki bor sorkar ba lada lap ba ki don kiba ialam bakla ia kane ka sorkar ka dei ban mih khmat sha khmat ban leh ia kaba don kam kat kum ka ain pyrshah ia u ne ka ne kino kino ki kynhun da kaba pyntip sha iing bishar.
La kyntu ia ki paidbah ba kin kiar ban nym pynsaphriang ia ki khubor lamler ha kaba ia dei bad ka jingai Tika la ka long ha kano kano ka rukom ruh, lada lap ba ki dei ki riew shimet ne ki kynhun yn pynshitom ia ki katkumka ain.
