Shillong, June 28: ka ophis jong ka District Social welfare Mawkyrwat mynta ka sngi kala pynlong ia ka jingialang paidbah ban pynshai halor ka jingsniew jong ka jingdih ia ki drugs bad kane ka long kaei kaei kaba sniew haduh katta, ia kane ka jingialang la pynlong St Vianney Auditorium, Nativity Mawkyrwat.
Ha kane ka jingialang ka kong Ripnar Lyngdoh ka Deputy Commissioner jong ka South West Khasi Hills District ha ka jingkren ka jong ka kum ka kongsan kala ong, ko khun samla wat juh ngop ha ki jingdih drugs namar ka pynsniew ia ka long briew man briew, ha ka bor pyrkhat bad ha ka met bad ha ka jinglong mynsiem. Kumba ka long ki khun mynta ki bun kiba ngop ha kum kine ki jingdih pynbuaid bad la kyntu ia ki kmie ki kpa kidei ban long kiba peitngor ia la ki jong ki khun.
Ia kane ka jingialang ban pynshai paidbah la pynlong da ka jingiatreilang bad ka District Legal Services Authority, South West Khasi Hills District, bad kum juh ka Mawlangwir Presbyterian Social Development & Youth Organisation & Well Humanitarian Foundation, kiwei kiba la kren ha kane ka jingialang ki long u Bah HG Lyngdoh SP jong ka District, u Rev D Jamir bad shibun kiwei kiwei ki heh sorkar.
