Shillong, Lber 27: Mynta ka sngi ha ka por jan miet kala don ka jingiaklumar ha Ichamati kaba hap hapoh ka Sohra Civil Sub Division bad ha kane ka jingjia ar ngut ki briew kila khlad ha kane ka jingia ba sngewsih.
Haba kren ha u SP News Agency ka Sub Divisional Officer jong ka Sohra Civil Sub Division kala iathuh ba ka dei ka jingshisha bala lap ar tylli ki met iap mynta ka jan meit ha shnong Ichamati, ia ka daw jong ka jingiap da tohkit ki pulit.
Haduh ba thoh ia kane ka khubor ym pat lah ban tip ia ka kyrteng jong kitei kiba la khlad bad na ka liang jong ki pulit ki dang thwet ia kito runar kiba la leh ia kane ka kam sniew ban shim ia ka jingim jong ki briew.
Na ka liang jong ki bor ba dei peit peit ia ka Civil Sub Division kila phah tohkit ban lap ia kadaw jong kane ka jingjia namar ka jingiashoh ia dat kala shu mih kynsan kynsan mynta ka jan miet bad kala wanrah ia kane ka jingia kaba sngewsih.
Na ka liang jong ka tand pulit kala phah shuh shuh ia ki pulit sha katei ka jaka ban tem ia ka jingiaklumar bad ban pynthikna ba kan don ka jingshong suk shongsain ha katei ka shong kaba don ha khappud bad ka Bangladesh.
U Superintendent ki pulit jong ka East Khasi Hills District u Rituraj Ravi ha ka kywoh kaba la phah mynta ka miet la iathuh ba ka kyteng jong kito kiba khlad u wei la tip kum u Esan Sing ia ka met jong u la ioh na Ichamati bad u wei la tip kyrteng kumu Sujit Dutta ia kaba la lap ia met jong u na Dalda.
Ia ka met jong kiba khlad pat ioh ban pyndep ia ka post mortem, na ka liang ka tnad pulit la phah shuh ia ki pulit sha katei ka jaka ryngkat ka jingdon lang ki pulit na Shella bad Ichamati.
