Shillong, Jymmang 30: Ki Customs na ka tnad Preventive headquarter, Shillong kila leit sha Biswanath Chariali ha Assam bad ha ka jingkhynra kila ioh ban kurup saw lyngkhot ki bniat Hati kiba la khia haduh 27.992 kilo bad kine ki bnia hato ki dei ki hati kiba na India.
Ia ki bniat hati la pynhap hapoh jong ka ain Wildlife Protection Act (WLPA), 1972. Ia kitei ki bniat la kem hapoh ka kyndon kaba 50 jong ka WLPA, 1972, kaba la pynkylla na ka por sha ka por. Ia kine ki bniat hati la ioh ban kurup ha ka 29/Jymmang/2024 bad ia kane ka jingioh kem la aiti sha ka tnd khlaw bad ki Customs kila ai khublei ia ki pulit jng ka Biswanath Police bad ia ka tnad khlaw.
Katkum ka Wildlife Protection Act kaba la pynkylla naduh bnai 1/Iaiong/2023 la ai bor shuh shuh ia ki Customs ban ia khun pyrshah ia kane ka jingiakhaii tuh ia ki mrad khlaw hapoh ka Ri India, halor kane ka bor bala pynkup ki Customs kila kham ioh lad ban ia khun pyrshah ia kane ka jingiakhaii beain ia ki mrad khlaw.
Ha kane ka shisnem kaba la dep ki Customs na ka tnad Preventive kila ioh ban kurup ia ki Kerbei kiba la kot haduh 68.87 kilo bad 11.536 kilo jong Ambergris Whale vomit, bad la ioh ban kurup ruh 360 gram bniat hati bad ka khlieh jong u sim Kohkarang, ka sim Flame ka khun sim orangutan, ia kine ruh la iada hpoh ka Wildlife Protection Act, 1972, kaba trei kam ha Meghalaya, Mizoram bad Assam.
Ki Customs kila kut jingmut ban ia khun pyrshah ia ka jingia khaii beain ia ki mrad khlaw ha khappud bad kiwei ki kam sniew bad kin ia treilang ruh bad kiwei ki kynhun kiba ia da na kane ka jingia khaii beain ia ki mrad khlaw.
