Shillong, Jymmang 21: Mynta ka sngi ki pulit jong ka ANTF hapoh ka jingialam jong u Additional Superintendent ki pulit bad ki ophisar kila ioh ban bat ia ka kali Suma kaba wan na Silchar ka jylla Assam ha Lumshnong Police Station.
Ka jingbat jong ki pulit ia ka Sumo ka long ba kila ioh ia ka jingtip ba kane ka Sumo ka kit ia ki jingdih kiba sniew dei halor kane, kila pynlong ia ka jingap ktem bad haba la wan poi katei ka sumo kila bat ia ka kali.
Haba kila talasi ia kane ka kali la ioh ban kurup haduh 58 tylli ki synduk thep sabon bad haba la thew u drok Heroin u khiah haduh 609 gram bad ka dor jong u kala kot sha ka T.5.5 klur tyngka.
Ha kane ka jingioh kurup ia u drok la kem u wei u briew ba shnong ha ka kali Sumo, ki pulit kila bat ia kane ka kali surom bad kila ioh ban kurup kawei ka mobile phone bad ia ka ejahar la register hapoh Lumshnong PS.
