Shillong, Nohprah 07: Ki shipai BSF kiba dei na ka 172 Battalion kila ioh bat kawei ka kali na Lumshnong-Sonapur bad na kane ka kali kila ioh ban burup ia u shini bala thmu ban shallan sha Bangladesh na East Jaintia Hills District jong ka jylla Meghalaya.
Ki shipai BSF kila ioh ban bat ia kane ka kali bad kem ruh ia u draibar ba niah ia kane ka kali namar ba ym lah ban pyniia ki kot ki sla ban pynshisha ba ia u shini yn die ha ki iew shnong, baroh kine kiba la shah kem bad ia u shini ba la ioh ban kurup la aiti sha ki pulit ban leh ia kaba don km.
Ha kawei pat ka jingjia ki shipai BSF jong ka 4th Battalion jong ki shipai na Meghalaya kila ioh ba kurup 14 tylli ki muid kiba la buhrieh hapoh khlaw da ka jingthmu ban phah sha Bangladesh lyngba ka shnong Rongtila jong ka West Jaintia Hills.
Ia kine ki muid kiba la ioh kem la aiti sha ki pulit ban leh ia kaba don kam, kane ka jingioh kem ki shipai BSF ia kitei ki briew nongkhaii ka dei ka jingtrei shitom ban ia khun pyrshah ia ki kam khaii beain sha khappud bad ka Banglades.
