Shillong, Lber 18: Ki shipai BSF bad ki Pulit jong ka jylla kila pynlong ia ka jingkhynra ha Rongra South Gao Hills District ha khappud bad ka Bangladesh kila ioh ban kurup shibun ka shini na kawei ka iing bad ka dor jong ka shini kala long palat ia ka shiphew lak tyngka.
Ia u shini la ioh ban kurup na kawei ka iing kaba don ha khappud bala thmu ban phah sha Bangladesh, kane ka jingioh ban kurup ka long ha dien ka jingiatreilang hapdeng ki pulit ka jyla Meghalaya bad ki shipai BSF jong ka 200 Battalion ba don ha South Garo Hills.
Ki shipai BSF ki kynnoh ba katei ka shini kaba la ioh ban kurup ka dei kaba la mang ban shallan tuh sha Bangladesh, ka long ba la buh ha katei ka iing jah kaba ym don ba kam haba ki pulit bad ki BSF kila khynra ha katei ka jaka.
Ha dien ba ki BSF kila dep ban pynbeit ka kum ki kyndon ain kila aiti sha ki pulit jong ka Rongra Police Station ban leh ia kaba don kam katkum ka ain ha kaba ia dei bad u shini bala ioh ban kurup.
