Shillong, Nailar 06: Ka jingkhot pakhang shnong da ka seng ki trai bad ki nongbylla tih dewiong ha kane ka sngi ban pynpaw pyrshah ia ka jingshim stieng jong ka sorkar ha kaba ia dei bad ka hukum jong ka National Green Tribunal (NGT) ha kaba ia dei bad ka jingkhang tih dewiong ha kane ka jylla.
Kane ka jingkhang shnong mynta ka sngi kala iaid beit khlem da don kano kano ka jingiia kaba sngewsih ha baroh kawei ka jylla. Ki ophis sorkar ki plie bad kiba khang dei tang ki Bank. Katkum ka jingkhein la ong ki nongtrei sorkar kiba poi sha ki jaka trei ka jong ki ha ka jylla baroh kawei kala long kumba 73 %.
Ha East Khasi Hills kiba poi trei ha ka District baroh kawei ka long 70% bad ha DC ophis ka long 83%. Ha Jaintia Hills kiba poi trei ha East Jiantia Hills ka long tang 30 % bad ha West Jiantia Hills ka long haduh 92 %.
Ha kane ka nongbah Shillong ki dukan kiba bun ki khang ki kali kiba iaid ba ieng ki duna sha ba palat bad ki lynti syngkieng ki dap da ka ki khynnah kiba ia leh kai la ong ba ka pkhang shnong kala trei kam ruh ha West Khasi Hills bad South West Khasi Hills bad kum juh ha Ri Bhoi District.
Ha Garo Hills ka long ba kam shym do don eh kata ka jingktah na ka pakhang shnong hynrei bun na ki dukan ki khang khamtam eh ha ki jaka ba don ki par dewiong. Haba khein ha ka jylla baroh kawei ka pakhang shnong kala iaid beit khelm da don kano kano ka jingjia kaba sngewsih.(SP News)
