Shillong, Nailar 11: Ki paidbah jong ka nongbah Shillong mynta u snem kila iathied ia ki lama lairong jong ka Ri India ban wah ha ki dukan ki iing ki sem bad ha ki kali kum ka jingpykhreh ban rakhe ia ka jingdap 75 snem jong ka Ri India baka ioh ia ka jinglaitluid na ka jingsynshar ki phareng.
Ka sorkar pdeng mynta u snem kala pynlong ban rakhe kaba kham kyrpang ia ka jinglait luid ka Ri namar mynta u snem ka Ri ka dap 75 snem ka jinglaitluid, la bthah ia ki paidbah nongshong shnong ka Ri India ba kin wan ia ka lama lairong ka Ri ha man la ki thiew iing.
Ha kane ka nongbah Shillong la iohi ba ki paidbah kila iathied ia ka lama Lairong jong ka Ri don kiba la wah ha ki kali, don kiba la wah ha ki dukan, don kiba la wah ha ki iing ki sem bad ka long kaba ishnong kun bha mynta ka kynti ban rakhe ia ka jinglaitluid ka Ri.
Na ka liang jong ki shipai BSF kila pynlong ia ka jingiaid paidbah da ki thuk thuk bad sam ia ki lama jong ka Ri India sha ki paidbah, ki NCC kila pynlong ia ka jigniaid ban rah ia ka lama jong ka Ri India mynta ka sngi ha kane ka nongbah Shillong.
Ka sorkar pdeng kala bthahia baroh na naduh ka 13th haduh ka 15 tarik ka sngi ban rakhe ia ka jinglaitluid ka Ri ba ki paidbah kin wan ia ka lama jong a Ri India hala ki iing ki sem ban kynmaw burom tympang ia ka jinglaitluid ka Ri ha kane ka jingdap 75 snem ka Ri India.
