Shillong, Naitung 27: Kynjah slam ka sor Shillong ha ka sngi sdang pakhang balai sngi ban iada na ka jingpang COVID-19 kaba la sa phriang sted ha kane ka nongbah Shillong ha kine ki khyndiat sngi ha pdeng ki riew paidbah.
Mynta ka sngi la iohi ba ka sor Shillong kala kynjuh wat ki kali kiba don ia ka pass ban iaid ruh kila duna hatuh katta katta ki ban mih ha surok. Ka jingpynjari ka sorkar ia kane ka pkhang balai sngi ka long ban iohi lat ban wat ia kito ki briew kiba don ka jingiadei kaba jan bad kiba shitom.
Na ka liang jong ka District Administration ruh kala dep ban pynbna kum ki Containment Area ha kane ka nongbah Shillong ia ki arphew hynriew tylli ki jaka jong ka sor Shillong ha kaba la khang ia ki briew ban ia rung ia mih ha kito ki jaka.
Kane ka jingpynjari jong ka sorkar ia kane ka pakhag kaba lai sngi mynta kala kham iapher na kiba la dep ban pynjari mynshuwa ha kaba ki briew ha kane ka kynti kila kiar na kaba mih sha bar da kaba ai ia ka jingiatreilang bad ka sorkar.
