Shillong, Jymmang 15: U District Magistrate jong ka East Khasi Hills District u la pynjari ia ka kyndon 144 CrPC ban nym shah ia ka jingkhrong pisa beain da kaba buh ia ki khyrdop ha ki surok bah jong ka sorkar pdeng, ki surok jong ka jylla.
U District Magistrte ka East Khasi Hills District la ong ba u la ioh jingtip ba kala don ka jingkhang ia ki trok ba shallam Mawshuh sha Bangladesh naduh Umdud sha Siro point kaba hap hapoh jong ka Majai Land Custome Station da ki nongshnong ka Majai.
Ha kane ka jingsangeh iaid ki kali ki nongshallan mar sha Bangladesh kila ia mynjur ba kin sangeh shuwa shipor ka jingleit kit mar sha Bangladesh katba ym pat lah ban ia pynbeit hapdeng ki nongkhaii, ka shnong bad u Syiem ka hima Sohra.
Na ka liang jong District Magistrate ka east Khasi Hills la kynnoh ba u Syiem ka Hima Sohra u la khrong pisa T.400 tyngka na kawei pa kawei ka trok kaba kit mawshuh ban shallan sha Bangladesh bad kane ka lah ban wahrah ia ka jingklumar.
Ha ka hukum bala pymih la kdew ba ka sorkar Meghalaya kala shim ia ka rai ban nym ailad ia ka jingdon ki khyrdop khrong pisa beain ha ki surok bah jong ka sorkar pdeng jogn ka sorkar jylla hapoh jogn ka East Khasi Hills District.
Kane ka jingbuh ia ki khyrdop ban khrong pisa kala ktah ruh ia ka jingiaid beit ki kali ha ki surok,kumta la pynjari ia ka kyndon 144 CrPC ha baroh ki surok kiba hap hapoh jong ka East Khasi Hills District. Kino kino kiba pynkhein ia kane ka kyndon kin ngap ha ka ain.
