Shillong, Nailar 19: Ka seng Khasi Students Union Nongtrai Unit ryngkat bad ki nongshong shnong mynta ka sngi kila kynthoh pyrshah ia ka Lafarge ba kam lah ban pynrulong ia ki jingdawa jong ki ban ai kam u wei na kawei ka iing kiba dei na ka shnong nongtria.
Kane kajingbym lah jong ka Lafarge ban leh ia kane ka dei na ka daw jong ka jingbym lah bantrei kam jong ka Executive Committee jong ka dorbar shnong Nongtrai, la ong u Bah Trulywell Lyngdoh General Secretary.
Haba kren ha ki nongthoh khubor mynta ka sngi ha Shillong press club ka ong ba na ka liang jong u N Sharma u heh jong kane ka company ba dei peit u la ithuh ia ki bay m shym la ioh kano kano ka jingbthah na ka liang jong ka shnong Nongtrai.
La kynnoh ba na ka liang jong ka Lafarge kam kwah ba ki briew kin wan da ki bus sha kane ka ophis, hynrei ka kwah tang ban ia kynduh ia ki katto kattne ki briew kiba la jiet. Kane kajingbym treh jong kane ka company ban ia kynduh ia ki nongshnong shnong ka Nongtrai ka don aiu re sha lyndet. Ka jingkam ba ki don 547 ngut ki nongtrei ka long kaba bakla la kynnoh ka KSU.
La ong ba ka shnong nongtrai kala thaw ia ka committee ban pan ia ka jingdon jong ki nongtrei ha kane ka company hynrei haduh mynta kam pat lah ban ai bad kane ka long ka jingbym suid niew ia ka dorbar jong ka shnong bad kane kala pynlong ia ki ba kin shim ba kane ka company kam don ia ki nongtrei kumba la kam.
Na ka liang jong ka KSU ka dawa na ka sorkar jylla ba ka dei ban leit ban jurip ia ka jingdon jong ki nongtrei ha kane ka company.
La ong ba ha u snem 2014 ka dorbar shnong kala shim ia ka rai ba dei ban ioh ia ka jingiateh kular hapdeng ka shnong Nongtrai bad ka Lafarge, hynrei haduh mynta ki paidbah nongshong shnong kim don ia kane ka kot bad halor kane na ka liangjong ka seng kala pan da ka RTI na ka ophis jong u Rangbah shnong bah B Lyngdoh.
